புஸ்தகாவில் என் முதல் மின்னூல் . ”பெண்மொழி”

புஸ்தகாவில் என் முதல் மின்னூல் . ”பெண்மொழி”
புஸ்தகாவில் என் முதல் மின்னூல் . ”பெண்மொழி”

புதன், 31 டிசம்பர், 2014

நர்சிம்மின் அய்யனார் கம்மா ஒரு பார்வை :-


நர்சிம்மின் அய்யனார் கம்மா ஒரு பார்வை :-

கதை கேட்பது என்பது எந்த வயதிலும் நமக்குப் பிடித்தமான ஒன்றாகவே இருக்கிறது. திரைப்படங்கள் தொலைக்காட்சி வந்தபின்னும் கதை படிப்பது என்பதும் அவ்வாறே சுவாரசியத்தைக் கூட்டுவதாகவே உள்ளது. கதை சொல்லப்படும் நேர்த்தியின்பாற்பட்டு வாசிப்பனுபவத்தை மட்டுமல்ல. அதைச்சுற்றிப் பின்னப்படும் கற்பனைகள் கொண்ட அக உலகை தனக்கு மட்டுமேயானதாக ஆக்குவதால் கதைகள் வாசித்தலின் சாரமும் வசீகரமும் என்றும் குறைந்துவிடாமலே தொடர்கிறது என்னை.

செவ்வாய், 30 டிசம்பர், 2014

ராமலெக்ஷ்மியின் இலைகள் பழுக்காத உலகம் ஒரு பார்வை.



ராமலெக்ஷ்மியின் இலைகள் பழுக்காத உலகம் ஒரு பார்வை.

குழந்தைக்கவிஞர் அழ வள்ளியப்பாவின் குழந்தைக் கவிதைகளின் ரசிகை நான். அதே போல் நடைவண்டி என்ற குழந்தைக் கவிதைத் தொகுப்பு ஒன்றை பாலசுப்ரமணியம் முனுசாமி வெளியிட்டிருக்கிறார். இவை இரண்டும் குழந்தைகள் பாடும் பாடல்கள்.

திங்கள், 29 டிசம்பர், 2014

அகநாழிகை இதழ் -7 ஒரு பார்வை.

அகநாழிகை இதழ் -7 ஒரு பார்வை. 



அகநாழிகை இதழ் -7 ஒரு பார்வை.

ராஜ சுந்தரராஜனின் கேளாரும் வேட்ப மொழி இலக்கிய இலக்கண ஆராய்ச்சி செய்கிறது. எது ரியலிஸம், மார்டனிஸம், போஸ்ட் மார்டனிஸம், ரொமாண்டிசிஸம், நியோ ரொமாண்டிசிஸம், பற்றி விவரிக்கிறது.கவிதையின் கணங்களை பிரித்துக் காட்டுவது எனவும் சொல்லலாம்.

வியாழன், 25 டிசம்பர், 2014

கோவையில் யாதுமாகி நாவல் வெளியீட்டு விழா அழைப்பிதழ்.

திருவண்ணாமலை வம்சி புக்ஸ் வெளியிட்டிருக்கும் எங்கள் அம்மாவின்  ’யாதுமாகி’ நாவலின் வெளியீட்டு விழா அழைப்பிதழ். கோவை மக்கள் அனைவரும் வருகை புரிந்து விழாவை சிறப்பிக்க வேண்டுகிறேன்

சுசீலாம்மாவின் யாதுமாகி :-



சுசீலாம்மாவின் யாதுமாகி :-

குழந்தைகள் உங்கள் மூலமாக உலகத்துக்கு வந்தார்கள் ஆனாலும் ஆனால் அவர்கள் உங்களை முழுமையாகச் சார்ந்தவர்கள் அல்ல என்ற கலீல் கிப்ரானின் வாசகம் நினைவில் ஆடியது. யாதுமாகியில் சாரு என்ற மகளின் கதாபாத்திரம் வழியாக தேவி என்ற தாயின் இறந்தகால நிகழ்கால சரிதம் எடுத்தியம்பப்படுகிறது.

புதன், 24 டிசம்பர், 2014

திருப்பூர் மத்திய அரிமா சங்க விருதுகள். 2014.

என் இனிய  நட்புகளே .,திருப்பூர் அரிமா சங்கத்தின் 2014 ஆம் ஆண்டிற்கான பெண் எழுத்தாளர்களுக்கான " சக்தி விருது "( அன்ன பட்சி கவிதைத் தொகுதிக்காகக்  ) கிடைத்துள்ளது.

நன்றி அகநாழிகை பதிப்பகம் & அகநாழிகை பொன் வாசுதேவன்.

இது குறித்து மத்திய அரிமா சங்கத்தின் மேலாளர் அனுப்பிய  கடிதம்.

///அன்புடையீர்...வணக்கம். நலம் குறித்த விருப்பம்.  வாழ்த்துக்கள்
 மத்திய அரிமா சங்கத்தின் சார்பில் ஆண்டுதோறும் வழங்கப்படும்
“ அரிமா விருதுகள்  ”  டிசம்பர் 25 மாலை 5 மணி அளவில் தலைவர் அரிமா பிரதீப்குமார் தலைமையில் நம் அரிமா சங்க வளாகத்தில்  நடைபெற உள்ளது. ( மாலை 5 மணி முதல் 8 மணி வரை)  5 மணி முதல் படைப்பாளிகளின் படைப்பு அனுபவ உரைகள் இருக்கும்.

தாங்கள் கலந்து கொண்டு தங்களுக்கான கீழே குறிப்பிட்ட பரிசைப் பெற்றுச் சிறப்பிக்க வேண்டுகிறேன். அரிமா குறும்பட விருது / சக்தி விருது.

செவ்வாய், 23 டிசம்பர், 2014

ரோல் மாடல் என்னுடைய பார்வையில்:-



ரோல் மாடல் என்னுடைய பார்வையில்.:-

வாழ்க்கையில் சாதிக்கத்துடிக்கும் அனைவருக்கும் ஏதோ ஒரு கட்டத்தில்  யாராவது ஒருத்தர் ரோல் மாடலாக இருந்திருப்பார்கள். சிலருக்கு அவர்கள் குடும்பங்களில் இருப்பவர்களே ரோல்மாடல்களாக இருப்பார்கள். சிலருக்கு சாதனை புரிந்தவர்கள். வெற்றிபெற்ற ஒவ்வொருவரின் பின்னும் ரோல்மாடல்களின் பங்கு கட்டாயம் இருக்கும்.

இந்நூலில் தம் உழைப்பால் உயர்ந்து முன்னுக்கு வந்த 21 பேரின் சாதனைக் கதைகள் ரோல்மாடல்களாக விரிகின்றன நம் கண்முன்னே. முன்மாதிரிகள் என்பவர்கள் எப்படியும் இருக்கலாம்தானே. அது போல் இந்நூல் பலதரப்பட்ட மனிதர்களையும் அவர்களின் வெற்றிக்கதைகளையும் கூறுகிறது.

திங்கள், 22 டிசம்பர், 2014

யானை டாக்டர்.



யானை டாக்டர். :-
டாக்டர் கே என்று அறியப்படும் டாக்டர் கிருஷ்ணமூர்த்தி தன் வாழ்நாள் முழுவதையும் வனவிலங்குகளான யானைகளின் நலனிலும் அவற்றுக்கான மருத்துவத்திலுமே அர்ப்பணித்துள்ளார். இதை ஜெயமோகனின் கதையாகப் படிக்கும்போது மலைகளுள்ளும், காட்டிலும், யானைகளின் அருகிலும் வனாந்தரத்தின் எழிலிலும் இருப்பதை உணர முடிகிறது. அதே போல அங்கே இருக்கக்கூடிய எளிய அரிய விஷயங்களையும் மக்கள் வாழ்வியலையும் பகிர்ந்து போகிறார்.

ஞாயிறு, 21 டிசம்பர், 2014

ஸ்ரீ மஹா கணபதிம், பாலச்சந்த்ராய நம.

ஸ்ரீ மஹா கணபதிம், பாலச்சந்த்ராய நம.

இனி வரும் விநாயகர்கள் எல்லாம் பெங்களூரு ராஜேஸ்வரி கோயிலுக்குச் சென்றுவிட்டு வரும்வழியில் இருந்த விநாயகர்கள்.

குழந்தைகளையும் தாக்கும் கொடூர நோய்கள்.:-

குழந்தைகளையும் தாக்கும் கொடூர நோய்கள்.:-
டல்லாஸ் பையர்ஸ் க்ளப் என்றொரு படம் வந்து ஏகப்பட்ட ஆஸ்காரை அள்ளியது. அந்தப்படத்தைப் பார்த்தபின் தான் எய்ட்ஸ்க்கும் மருந்து இருக்கிறது தெரிந்தது. ஆனால். அது பல வருடங்கள் தொடர்ந்து சாப்பிட வேண்டிய மருந்துகள். சலுகை விலையில் ஒரு கடையில் கிடைக்கும் என்றாலும் அந்த சொற்பப் பணத்திற்காக அந்த ஹீரோ படும் சிரமங்கள் கதையில் கண்ணீர் வரவழைக்கும்.  
குழந்தைகளைத் தாக்கும் நோய்கள் என்றால் பெரியம்மை, கக்குவான் இருமல், போலியோ, தொண்டை அடைப்பான், நிமோனியாக் காய்ச்சல், டிஹைட்ரேஷன், மலேரியா, டைஃபாயிடு, மஞ்சள் காமாலை, டெங்கு, சிக்கன் குனியா ஆகியனதான் கேள்விப்பட்டிருப்பீர்கள்.
இவைகளுக்கெல்லாம் தடுப்பு மருந்தும் மாற்று வைத்தியங்களும் கண்டுபிடிக்கப்பட்டுவிட்டன. ஓரளவு இவற்றை சொட்டு மருந்துகளும் தடுப்பூசிகளும் போடுவதனால் தடுத்து நிறுத்தி இருக்கிறார்கள்.

சனி, 20 டிசம்பர், 2014

சாட்டர்டே ஜாலி கார்னர், மூன்றுதாய்க்கு ஒரு மகன் முத்துராமலிங்கம் சுப்ரமணியன்

சிலுவைகளை நீ சுமந்து
மாலைகள்
எமக்குச் சூட்டினாய்.
சிறகடிக்கும்
பறவைக்கெல்லாம்
வானத்தைப் போல மாறினாய். !.
விழியோடு நீ
குடையாவதால்
விழிகள் நனைவதில்லை
நெஞ்சில் பூமாலை. !

Love You Amma. !

என் முகநூல் சகோதரர் & நண்பர் முத்துராமலிங்கம் சுப்ரமணியத்தின் முகநூல் பகிர்வு இது. குழந்தையைப் போன்ற அழகான புன்னகைக்குச் சொந்தக்காரர்.  அமெரிக்க மண்ணில் கோலோச்சி வரும் அவருக்குத் தற்போதுதான் திருமணமாகி இருக்கிறது.தலை தீபாவளிக்கு மனைவி கையால் சாப்பிட்ட உணவுகளைப் பட்டியலிட்டிருந்தார். காதெல்லாம் புகை வந்தது நமக்கு. :) அப்புறம் இன்னொரு நாள் சமைத்த உணவுகள் புகைப்படம் ( அவரே செய்தாரா தெரியல >> :)  ) போட்டிருந்தார். பார்த்துப் பலர் மிரட்சியடைந்ததாகக் கேள்வி. ! :) அப்போது அதை எல்லாம் நல்லா இருக்குன்னு சொல்லி நாங்க தேற்றினோம். :) ( ஹிஹி சிண்டு முடிய பலமா முஸ்தீபு செய்றேன் >:) அங்கே அவரது அம்மா டாலி பாலாவும் கமெண்ட் போட்டு தேற்றி இருந்தார்கள். ! :)

இதில் என்ன விசேஷம் என்கிறீர்களா. டாலி பாலா முகநூல் மூலம் அறிமுகமாகியவர். அடக் கடவுளே நான் உண்மையிலேயே அவரோட அம்மான்னுல்ல நினைச்சிருந்தேன். !. எல்லா ஃபோட்டோவிலும் கமெண்டுகளிலும் பார்த்தால் இவர்தான் அவங்க பிள்ளைன்னு சத்தியம் அடிச்சி சொல்லலாம். அப்பிடி ஒரு முக ஒற்றுமை. !!!!!!!!

வெள்ளி, 19 டிசம்பர், 2014

வைகாசி விசாகம் விசேஷ ரெசிபிகளும் கோலங்களும் குமுதம் பக்தி ஸ்பெஷலில்

ஜூன் 1 - 15 2014, குமுதம் பக்தி ஸ்பெஷலில் இந்தக் கோலங்களும் நைவேத்தியங்களும் வெளிவந்தன.

வியாழன், 18 டிசம்பர், 2014

40 ஆவது ராங்க். !!!

விமர்சகர் வட்டம் சிறுகதைப் போட்டி அறிவித்து இருந்தது. அதற்கு என்னுடைய ”பட்டாம்பூச்சிகளும் பூக்களும்” என்ற  சிறுகதையை அனுப்பி இருந்தேன்.

அதை விமர்சகர் வட்டம்  வலைத்தளத்தில் வெளியிட்டு இருந்தார்கள். ஒரு நாயகன் என்னும் கதை முதலிடம் பெற்றிருக்கிறது. சிறப்பான கதை. ! வாழ்த்துகள். ! தொடர்ந்து அவர்கள் ஒவ்வொரு கட்டத்திலும் மதிப்பெண்களும் ராங்கும் , கதை பற்றிய கருத்துக்களையும் வேர்டு ஃபைலாக அனுப்பிக் கொண்டிருந்தார்கள். நன்றி விமர்சகர் வட்டம். !


//// விமர்சகர் வட்ட சிறுகதைப் போட்டிக்கு  கதைகள் அனுப்பிய அனைவருக்கும் நன்றி. நடுவர்களின் இறுதி மதிப்பெண் இன்னும் ஒரிருநாட்களில் தெரிந்துவிடும். ஆகஸ்ட் 6-ம் தேதிக்குள்  இறுதி சுற்றிற்கு தேர்தெடுக்கப்படுகின்ற  பதினைந்து கதைகள் சாரு விமர்சகர் வட்டத்தில் பகிரப்படும்.

காண்டாமணியும் பிச்சைத் தட்டும். :-

ஊசிமுனை அமர்வு
சுகம் உனக்காய்
காத்திருப்பதை விட.

ஆசனவாய் வழி அது
கபாலம் பாய்ந்தாலும்
இருப்பின் வலி குறைவு,

ஞாபகம் புரட்டிய வெளியில்
கோயில் வாசலில்
பிச்சைக்காரனாய்,
உன் கருணைக்காய்த்
தட்டேந்திக் காத்து,

போவோர் வருவோரின்
காசுகளால்
நிரம்பிக் கிடக்கிறது தட்டு.

பல்லாக்கில்
பவனிவரும் நீ..
பக்கம்கூடத் திரும்பாமல்
பதுமையாய்..

புதன், 17 டிசம்பர், 2014

காந்தி தேசம் எனது பார்வையில்:-

காந்தி தேசம் எனது பார்வையில் .:-
காந்திஜியின் அகிம்சைக் கொள்கைகளைப் பின்பற்றுகிறோமோ இல்லையோ, காந்தி அடிகளின் சிலை இல்லாத தமிழக நகரங்களைப் பார்ப்பது அரிது. காந்தி கனவுகண்ட தேசத்தை அமைக்கிறோம் என்பதில்  முதலில் தீண்டாமை இல்லாத தேசத்தை அமைத்தல் முக்கியம் எனக் குறிப்பிடுகிறார் திருமலை தன்னுடைய காந்தி தேசம் என்ற நூலில்.

செவ்வாய், 16 டிசம்பர், 2014

அத்தைமடி மெத்தையடி:-



அத்தைமடி மெத்தையடி :-
த்லுலுலுவ்வாயீ ஆரி ஆரி ஆரி ஆரி ஆராரோ.. என்று குட்டிக் குழந்தையை மடியில் இட்டு கே ஆர் விஜயா தாலாட்டும்போது நாமும் குழந்தையாகிவிடமாட்டோமா என்றிருக்கும். இந்தப் பாடலை இன்று என்றில்லை கிட்டத்தட்ட ஒரு ஏழெட்டு வயதிருக்கும் பார்த்த அன்றிலிருந்தே அப்போதிலிருந்தே அப்படி ஒரு பைத்தியம் இந்தப் பாட்டின் மீதும் கே ஆர் விஜயாமீதும்.

திங்கள், 15 டிசம்பர், 2014

திரு ஞானக்கூத்தன் அவர்களுக்கு வாழ்த்துகள்.

எனது பெருமதிப்பிற்குரிய சுசீலாம்மாவின் தளத்தில் வெளியிடப்பட்டிருந்த இந்த அழைப்பிதழை வெளியிடுவதில் மகிழ்கிறேன். மேலும் விருதுபெற்ற திரு ஞானக்கூத்தனுக்கு வாழ்த்துகள்.

நான் ரசித்த அவருடைய கவிதை ஒன்று.

//// உயர்திரு பாரதியார்

July 30, 2006
சிறுவயதில் நான் பார்த்த நடனம் ஒன்றில்
பாடினார் இளம் பெண்கள் இருவரேதோ
பாட்டுக்கு. எவரெழுதித் தந்தா ரந்தப்
பாட்டென்று நான் கேட்டேன் உம்மைச் சொன்னார்.

சிறுவயதில் நான் சென்ற பொதுக் கூட்டத்தில்
சூடுள்ள சிலவரிகள் ஒருவன் சொன்னான்
எவரெழுதித் தந்தவரி என்றேன். வேர்த்த
முகம்துடைத்துக் கொண்டபடி உம்மைச் சொன்னான்,

அன்பெனும் பேராயுதம்.

101. நீண்டுவிட்ட தொலைதூரப் பயணமும் நீட்சியடையாமல் போய்விட்ட இணையமும் உங்கள் வாழ்த்துகளை என்னால் உரிய நேரத்தில் பார்க்க இயலாமல் செய்துவிட்டது. மிக நன்றி என் அன்பிற்குரிய நட்புகளே.. வாழ்க வளமுடன்.

102. Due to continuous travel and net problem im not able to respond for your wishes my dear friends.. Thank God and facebook for giving me such beautiful and awesome people as my friends :)

103. feeling annoyed·
டெல்லி டு கன்யாகுமரி.. பஸ்ஸிலும் ட்ரெயினிலும் படிக்கட்டுகளில் தொற்றிப் பயணிப்பது தற்கால ஆண்களின் வீர விளையாட்டுக்களில் ஒன்று..

104. எதனாலும் உன்னால்
வீழ்த்த முடியாது என்னை.
நான் தாங்கி இருப்பது
அன்பெனும் பேராயுதம்..

105.  வாழ்வின் பக்கங்களில்
அர்த்தம் தேடிச் சலிக்கிறது
மனம்

ஞாயிறு, 14 டிசம்பர், 2014

ஸ்ரீ மஹா கணபதிம், கணாத்யக்ஷாய நம.

ஸ்ரீ மஹா கணபதிம், கணாத்யக்ஷாய நம.

முதன் முதலில் காரைக்குடியில் கட்டிய பூசை வீட்டில் திருப்புகழ் பாராயணம் நடந்தது. அப்போது பிள்ளையாரும் முருகனும் வைத்து வழிபட்டோம்.

முதலில் பிள்ளையார் பூஜை தனியாக.

பூஜைக்குப் பின் பூக்காட்டில் இருந்தார்கள் விநாயகரும் முருகனும்.

சனி, 13 டிசம்பர், 2014

சனிக்கிழமைப் பதிவு. முரளிகிருட்டிணன் சின்னதுரையின் அகரமுதல எழுத்தெல்லாம்..


முரளிகிருட்டிணன் சின்னதுரை. முகநூல் நண்பர், சகோதரர், வயசுப்படிப் பார்த்தால் என் பிள்ளைகள் வயசுன்னும் சொல்லலாம்.


இளங்கலை கணினியல் துறையில் பொறியியல் பட்டம் பயின்றவர். ஊடகவியலாளர்.

தமிழ் மொழி மீது பற்று உள்ளவர்.. சமூக செயற்பாட்டாளர். புதிய யுகம் தொலைக்காட்சி வழங்கும் பல நிகழ்ச்சிகளில் ( டாக் இட் ஈஸி, மனம் திரும்புதே, கிச்சன் காபினெட், ) இவரின் பணி இருக்கிறது. இளையோர் குரல் என்னும் இலக்கியப் பத்ரிக்கை நடத்தி வருகிறார். இவர் கல்லூரியில் படித்த காலத்தில்   மானூர் புகழேந்தி கோவையில் நடைபெற்ற நிகழ்ச்சி ஒன்றில் கவிஞர் என்ற பட்டம் வழங்கினார்.

சாட்டர்டே ஜாலிகார்னர், சாட்டர்டே பதிவு என்று இரு போஸ்ட்களை என் வலைத்தளத்தில் வெளியிடுகிறேன் என்று ஒரு முறை முகநூலில் போட்டதும் உடனே வந்து ( அது பேராசிரியர் குணா அவர்களின் தமிழ்மொழி பற்றிய பதிவு ) ஏன் சனிக்கிழமைப் பதிவு என்று போடலாமே. ஏன் ஆங்கிலத்தில் போடணும் என்று உள்டப்பியில் வந்து குரல் கொடுத்தவர். அவ்வளவு மொழிப்பற்று.

/// திருக்குறளும், திருவள்ளுவரும் அரசியல் பாடு பொருள் ஆகியது.///

///உலகில் பல மொழிகளில் மொழிப் பெயர்க்கப்பட்டது திருக்குறள்....
இது பாசக ஆட்சிக்கு வரும் முன்பே நடந்தது என்று அறிந்துக் கொள்வோமாக
ஆங்கிலத்தில் couplets என்று சொல்வார்கள்///

///திருவள்ளுவரும், திருக்குறளும் வாஜ்பாய் காலத்தில் வெளிநாட்டிற்கு சுற்றுப்பயணம் மேற்கொண்டிருந்தார்கள் போலும் ....///

என்றெல்லாம் அவரின் முகநூல் சுவற்றில் நிலைத்தகவல்களைப் பார்த்ததும் உடனே  ஒரு கேள்வி கேட்டேன் . ஆனால் அரசியல் காரசாரம் எதுவும் வேண்டாம் என்று வேண்டிக் கேட்டுக்கொண்டதற்கிணங்க. , நான் கேட்ட கேள்விக்கு அவர் அளித்த பதில் இதோ. 

///திருக்குறளும் திருவள்ளுவரும்..  ////

வெள்ளி, 12 டிசம்பர், 2014

வரலெக்ஷ்மி விரதம் & கிருஷ்ண ஜெயந்தி ஸ்பெஷல் நைவேத்தியங்கள்.

ட்ரைஃப்ரூட்ஸ் பேணி, வெஜிடபிள் பேணி மூங்க்தால் கிச்சடி, பழ அப்பம். ---வரலெக்ஷ்மி விரத ஸ்பெஷல் :-

ஓட்ஸ் லட்டு, கார்ஃப்ளோர் உருண்டை, பாப்கார்ன் பர்ஃபி, கிருஷ்ணப் ப்ரஸாத்.----
கிருஷ்ண ஜெயந்தி ஸ்பெஷல். :

வரலெக்ஷ்மி விரத ஸ்பெஷல் :-

1. ட்ரைஃப்ரூட்ஸ் பேணி:-

வெறும் தேங்காய்வெல்லம் பூரணத்துக்குப் பதிலாக இப்படியும் இனிப்புக் கொழுக்கட்டை செய்யலாம்.

தேவையானவை:-
பச்சரிசி – 2 கப்

ஃபில்லிங் :-
பாதாம் -15
பிஸ்தா – 15
முந்திரி – 15
பேரீச்சை – 6
கிஸ்மிஸ் – 30
செர்ரி – 10
டூட்டி ஃப்ரூட்டி – 1 டேபிள் ஸ்பூன்
கொப்பரை – 2 டேபிள் ஸ்பூன்
தேன் – 1 டேபிள் ஸ்பூன்.

செய்முறை:-
மேல்மாவு.
பச்சரிசியை ஊறவைத்து மிக்ஸியில் அரைத்து நன்கு சலிக்கவும். ஒரு பாத்திரத்தில் 1 1/4 கப் தண்ணீரைக் கொதிக்கவைத்து அதில் இரண்டு ஸ்பூன் நல்லெண்ணெய் விட்டு  ஒரு சிட்டிகை உப்புப் போட்டு மாவைத் தூவிப் பிசையவும்.. பந்துபோல உருண்டுவந்ததும் இறக்கி ஒரு ஈரத்துணியைப் போட்டு மூடிவைக்கவும்.

வியாழன், 11 டிசம்பர், 2014

மலைகள் எத்தனை வகைகள்.. ( MOUNTAIN DAY )

மரம் செடி கொடிகள் , மற்ற மலை வாழ் உயிரினங்கள் வாழும் இடத்தை நாம் ப்ளாஸ்டிக் மலைகளால் மூடி வருகிறோம். பத்தாதுக்கு ப்ரபஞ்ச ரகசியத்தை அறிகிறோம் என்று மலையைக் குடைந்து ஒரு அணு ஆய்வுக்கூடம் ( நியூட்ரினோ ) கட்ட முயற்சி நடந்து வருது.  மான்களும் முயல்களும், யானைகளும் காட்டெருதுகளும் , புலிகளும் உலவும் மலையையே துண்டு துண்டாக வெட்டி  கூறு போட்டு தின்னத் தெரியும் நமக்கு. நம்மால் உருவாக்க முடியாத பொருள்களில் மலையும் ஒன்று. நிலத் திட்டுகள் நகர்ந்து மலையை உருவாக்குகின்றன. இவை குஜராத்,  ஆந்திரா, கேரளா,  கர்நாடகா, மலேஷியா, ஓம்காரேஷ்வர், (சேலம், பழனி, கோவை), தமிழ்நாட்டில்  நான் பயணம் செய்தபோது புகைப்படம் எடுத்த மலைகள்.

 குவாலியரிலிருந்து போபாலுக்கு வரும் வழியில் விந்தியா சத்புரா மலைகள்.

ஆந்திராவில் ஹைதைக்கு அருகே உள்ள மலைகளை ஒரு ரயில் ப்ரயாணத்தின்போதே  எடுத்தேன்.


இலைக்குழந்தைகள்.

முதல் இலை உதிர்கிறது.
அடுத்தடுத்து ஒவ்வொன்றும்.
தனிமையின் மிச்சத்தோடு
சருகுவழி மிதந்து இறங்குகிறது வெய்யில்.
உஷ்ணம் கக்குகிறது
உதாசீனமாய் மிதிக்கப்படும் பூமி.
நெடுஞ்சாலையில் ஓடும்
வண்டிகளின் பின்னெல்லாம் ஓடிப்
புழுதியாகின்றன சருகுகள்.

புதன், 10 டிசம்பர், 2014

ஸ்ரீ மஹா கணபதிம், தூமகேதவே நம.

ஸ்ரீ மஹா கணபதிம், தூமகேதவே நம.

இதில் வருபவர்கள் எல்லாருமே பழனி மலை விநாயகர்கள்தான்.

செவ்வாய், 9 டிசம்பர், 2014

நிலவுத் தேனீயும் சூரியப் பட்டாம்பூச்சியும்.

1.உன் நினைவு மகரந்தத்தோடு
பட்டாம் பூச்சிகள் சுற்றுகின்றன..
சேகரிக்கும் பூவாகிறேன்.

***********************************

2. உன்னைத் தேடித்தேடிக்
களைக்கும் இமைகள்
உன் வருகைப் பூ மலர்ந்ததும்
படபடத்து பட்டாம்பூச்சியாகின்றன..


**************************************
 
3. தங்கப் பட்டாம்பூச்சியாய் சூரியனும்
வெள்ளிப் பட்டாம்பூச்சியாய் நிலவும்
பூமிப்பூவை மாறி மாறி மொய்த்தபடி..

***************************************

திங்கள், 8 டிசம்பர், 2014

காணாமல் போனவர்களும் கடத்தப்பட்டவர்களும்:-



காணாமல் போனவர்களும் கடத்தப்பட்டவர்களும். :-
தினமும் செய்திகளில் காணாமல் போனவர்கள் பற்றிய அறிவிப்புப் பார்த்திருப்பீர்கள். திருவிழாக்களுக்குச் செல்லும்போது, எதிர்பாராத பயண விபத்துக்கள், வெள்ளம், சுனாமி ஆகியவற்றைத் தவிர தானாக கோபித்துக் கொண்டு வீட்டை விட்டு ஓடிப்போவது. சினிமாவில் நடிக்கும் ஆசையில்,காதல் வேட்கையில் , வீட்டில் படிக்க முடியாமல், அல்லது பால் வேறுபாடு உணர்வு ஏற்படுவதன் காரணமாகவும் இது நடப்பதுண்டு..
பல குழந்தைகள் பள்ளி விட்டு வரும்போது , பக்கத்து வீட்டில் விளையாடிக் கொண்டிருக்கும்போது காணாமல் போயிருப்பார்கள். சிலர் பணம் கேட்டுக் கடத்தப்பட்டும் இருப்பார்கள். மனநிலை சரியில்லாத குழந்தைகள் பலர் காணாமல் அடிக்கப்பட்டவர்களே. கெட்ட பழக்க வழக்கங்களால் வீட்டில் தண்டிக்கப்பட காணாமல் போவதும் நிகழ்கிறது.
வயதான பலர் காணாமல் போன செய்திகள் பார்க்கும்போது இது அல்சீமரால் ஏற்பட்டிருக்குமோ என்று எண்ணத் தோன்றும். ஆனால் குழந்தைகளே அதிக அளவு காணாமல் போகிறார்கள். அல்லது கடத்தப்படுகிறார்கள்

ஞாயிறு, 7 டிசம்பர், 2014

ஸ்ரீ மஹா கணபதிம், விநாயகாய நம,

ஜெய்கணேஷ ஜெய்கணேஷ ஜெய்ஜணேஷ தேவா
ஜெய் கணேஷ ஜெய்கணேஷ ஜெய்கணேஷ் தேவா

மாதா ஜாகி பார்வதி பிதா மஹாதேவா
லட்டுவோங்கே பூஜ் லகே துவே கர் சேவா

 ஸ்ரீ மஹா கணபதிம், விநாயகாய நம

 துபாய் சென்றிருந்த போது என் தம்பி இருந்த காம்ப்ளெக்ஸில் ஒரு வீட்டின் முன் உள்ள விநாயகர்.
பூஜையறை விநாயகர்.

துபாயில் நடந்த ஸ்கந்தர்சஷ்டி விழாவில் குழந்தைகள் கோஷ்டி கோஷ்டியாகத் திருப்புகழ் பாடினார்கள். அந்த மேடையில் இருந்த விநாயகர்.

சனி, 6 டிசம்பர், 2014

சாட்டர்டே போஸ்ட், துபாயில் பெண்கள் தொழுகை பற்றி ஜலீலா கமால்.

என் வலைத்தளத் தங்கை ஜலீலா கமால். சமையல் அட்டகாசங்கள் என்ற வலைப்பதிவில் அட்டகாசமான சமையல் குறிப்புகளைப் பகிர்ந்து வருகிறார். சென்னை ப்ளாசா என்ற ஒரு கடையை ( ஹிஜாப், புர்கா , பர்தா , ஷேலா, மக்கானா  -- ஸ்பெஷல் ) நிர்வகித்து வருகிறார். (இவரது கடை பற்றி விவரம் உள்ள முகநூல் பக்கம் இது  https://www.facebook.com/pages/Chennai-Plaza/156896191130975) சென்னையில் ட்ரிப்ளிகேனில் ஒரு முறை அகஸ்மாத்தாக ஒரு மழைக்கால மாலை நேரம் சந்தித்து ஆச்சர்யப்பட்டுக் கை கொடுத்து அளவளாவி வந்தோம். மழைச்சாரல் போன்ற குளுமையான சிரிப்புக்குச் சொந்தக்காரர் ஜலீலா. அவரது பையனும் வந்திருந்தான். உடனே என் கணவரிடம் காமிராவைக் கொடுத்து ஒரு க்ளிக்கிக் கொண்டோம். ( நாந்தான் சுளுக்கும் அளவு சிரித்திருந்தேன் சந்தோஷத்தில் . :) 

அவர் வலைத்தளத்தில் அரபு நாடுகளில் பெண்கள் தொழுகை என்ற பதிவைப் பார்த்துவிட்டு , பொதுவாக பெண்களை மசூதிப்பக்கம் பார்த்ததாக நினைவில் இல்லையே. மிகவும் ஸ்ட்ரிக்டான அந்த நாட்டில் எப்படி அனுமதிக்கிறார்கள் என்று ஒரு எண்ணம்  மனதில் எழ இப்படி ஒரு கேள்வி கேட்டேன் . அவரும் அழகாகப் பதில் சொல்லி இருக்கிறார். 

அன்பின் ஜலீலா நலம் நலமே மலர்க. மிகப் பெரும் வலைப்பதிவரான தாங்கள் என் வளர்ச்சியில் பங்கு பெற்றிருக்கிறீர்கள். அதற்கு நன்றி .

என்னுடைய வலைத்தளத்தில் சாட்டர்டே ஜாலி கார்னர், சாட்டர்டே போஸ்ட் என்ற இரு இடுகைகள் வெளியிடுகிறேன்.
நான் ஒரு கேள்வி கேட்பேன் அதற்குத் தாங்கள் பதில் அளிக்க வேண்டுகிறேன்.
////  துபாயில் பெண்கள் தொழுகை பற்றி எழுதி அனுப்ப முடியுமா. . ?///

தேனக்கா சாட்டர்டே ஜாலி கார்னர் என்னும் பதிவு போட்டு வருகிறார்கள், என்னையும் அழைத்தார்கள், ஆனால் என்னிடம் துபாயில் பெண்கள் தொழுகை பற்றி சொல்லுமாறு கேட்டு கொண்டார்கள், ரொம்ப சந்தோஷம் நான் இந்த டாப்பிக்கை மிகவும் வரவேற்கிறேன்.

மற்ற மதத்தவர்களுக்கு பாங்கு கொடுக்கும் சத்தம் கேட்கும் போது அல்லா கூவுது என்பார்கள். தொழுகை நேரம் வந்து விட்டது  என்பார்கள். ரோட்டோரம் வசிப்பவர்கள் பாங்கு சொல்லும் சத்தம் கேட்பதை வைத்தே நிறைய பேர் கடிகாரம் பார்க்காமல் அவரவர் செய்யும் வேலைகளை நிர்ணயித்து கொள்வார்கள்.

ஆனால் நிறைய பேருக்கு  தொழுகை என்றால் என்ன?  அது எத்தனை வேளை தொழுகை, தொழுகைக்கு எப்படி தயாராகுகிறார்கள் என்று யாருக்கும் தெரியாது. 
எனக்கு தெரிந்த சில விளக்கங்களை இங்கு பகிர்ந்துள்ளேன்.

வெள்ளி, 5 டிசம்பர், 2014

எழுத மறந்த கதைகள். பாகம் 1

எழுத மறந்த கதை - 1


அவள் ஒவ்வொரு வார்த்தையையும் புதிதாகப் புதுக்கவிதை எழுதிப் பார்க்க வார்த்தைகளைத் தேடுகிறவளைப் போல அதன் மெல்லிய த்வனியுடன் கேட்டாள். “ சந்துரு. நீங்க உண்மையிலேயே என்னை விரும்பறீங்களா ” வென்று.

அதன் அர்த்தம் அந்த த்வனி அரைகுறையாகக் காதில் விழுந்தபோதே அவனுக்கு தெய்வ சந்நிதானத்தில் காத்திருந்து காத்திருந்து க்யூ நகர்ந்து கடைசியில் தெய்வத்தைத் தரிசிக்கப் போகும் வேளையில் திரைபோட்டு மறைத்துவிட்டால் மனம் எவ்வளவு வலியில் துடிக்குமோ  அதைப்போல இரண்டு மடங்கு துடித்துச் சஞ்சலப்பட்டது.

அந்தக் கேள்வி ஏற்படுத்தின வலி, வடு அவன் முகத்தில் இன்னும் மிச்சமிருந்தது. அவள் அவனைக் கவனிக்காதவள் போல் மீண்டும் கேட்டள். அவன் அவளுடைய இந்தக் கேள்விக்குப் பதில் சொல்ல விரும்பாததாலோ அல்லது கேள்வியே பிடிக்காததாலோ என்னவோ காதில் வாங்கிக் கொள்ளாத மாதிரி நடித்துப் பார்த்தான். இருப்புக் கொள்ளாமல் இரு கைகளையும் பிணைத்தான். பிரித்தான். கோர்த்து முஷ்டியை இறுக்கி ஆற்றுமணலைப் பந்தாடினான். எழுந்து நின்றான். பிறகு அமர்ந்து உள்ளங்கையில் கோலமிட்டிருந்த மணலை எண்ணினான்.

மூன்றாவது முறையாக அதே கேள்வியை அவள் அலுப்பில்லாமல் திருப்பிக் கேட்கவும் சடாரெனத்திரும்பி  “ இந்தக் கேள்விக்கு அவசியம் பதிலளிக்கணுமா. ? “ கையின் வியர்வை சாகரத்தில் ஆற்றுமணல் முக்குளித்தது. படாரெனக் கைகளைத் தட்டிவிட்டுக் கொள்ள காற்றில் பறந்து அவன் பாண்டில் சிதறியது. நைஸ் மணல்கள் கையை விட்டுப் போகமாட்டோம் என வாஞ்சையுடன் அணைத்துக் கொண்டிருந்தன.

வியாழன், 4 டிசம்பர், 2014

புள்ளிகள் கோடுகள் கோலங்கள் -- மணி எனும் மாபெரும் மனிதரின் காவியம்.

”மேலும் கீழும் கோடுகள் போடு அதுதான் ஓவியம் , நீ சொன்னால் காவியம்.” என்ற திரையிசைப் பாடலைக் கேட்டிருக்கலாம்.  புள்ளிகள் கோடுகள் கோலங்கள் என்ற தலைப்பைப் பார்த்ததும் அந்தப் ஒரு பாடல் மனதில் ஓடியது. நிச்சயம் இந்தப் புத்தகம் ஒரு காலகட்டத்தின் காவியம்தான்.

நாடகத்துறையிலும் திரைப்படத்துறையிலும் சாதனை நாட்டிய பாரதி மணி சாரின் ”பல நேரங்களில் பல மனிதர்கள்” இவரது இலக்கியப் பயணத்தில் ஒரு மைல் கல் என்று சொல்லலாம். புள்ளிகள் கோடுகள் கோலங்களை அதன் அடுத்த ரீச்சிங் பாயிண்ட் என்று சொல்லலாம்.

தளவாடங்கள்.


படைக்கப்பட்ட நிலம் அனைத்திலும்
நடந்து களைத்திருக்கிறது போர்.
அதனூடே ஓடிக்களைத்தவர்கள்
பல்வேறு தேசங்களில்
ஓய்ந்தமர்ந்திருக்கிறார்கள்.
தனக்கான ஆயுதம் இதுதானென்ற
வரைமுறையின்றி
இயற்கைக் கூறனைத்தையும்
இருகரம் நெருக்குகின்றது போர்.
அதன் காலடித் தடங்களில்
நசுங்கிக்கிடக்கின்றன
பால் புட்டிகளும் சயனைடு குப்பிகளும்.

புதன், 3 டிசம்பர், 2014

சாகசக்காரி ஒரு பார்வை..

சாகசக்காரி ஒரு பார்வை:-

கவிஞர் தான்யாவின் இக்கவிதைகள் சாகசக்காரி பற்றியவை மட்டுமல்ல. மதம் இனம் மொழி கலாச்சாரம், காதல், பிரிவு தனிமை தேசம், குடும்பம் சார்ந்து சாகசக்காரியைப் ”பற்றியவை பற்றி” அவரின் மொழியில் ஒரு சரளமான வெளிப்பாடு.

புலம்பெயர் பெண்களின் கவிதைகளில் தான்யாவின் கவிதைகள் குடும்ப உறவில் உள்ள முரண்களைப் பதிவு செய்கின்றன. குடும்பம் ஒரு அதிகார மையமாகத் தன்னைக் கட்டுப்படுத்துவதையும் அதையும் மீறி அந்த சாகசக்காரி சாதிக்க முயல்வதையும் தன்னுடைய கவிதை மொழியில் சொல்லிச் செல்கிறார் தான்யா. புலம் பெயர் வாழ்வின் வலியையும் தனிமையையும் இரு வேறு மாறுபாடான சூழல்களை எதிர்கொள்வதையும் வாழ்வியல் அழுத்தத்தோடு சொல்கின்றன கவிதைகள்.

செவ்வாய், 2 டிசம்பர், 2014

வல்லபி , மாதேவி - நம்பிக்கை மனுஷிகள்.



கோவையில் சில வருடங்களுக்கு முன் நாங்கள் இருந்த தெருவில் கடைசியில் இருந்த வீட்டில் இரு பெண்கள் இருந்தார்கள். இருவருமே கல்லூரியில் பயில்பவர்கள். ஒரு நவராத்திரி சமயம் சகோதரிகளில் மூத்தவர் எங்கள் தெருவின் முக்கில் கால் தடுக்கி விழுந்துவிட்டதாக என் மாமியார் சொன்னார்கள்.

அந்தப் பெண் மிகவும் மெலிவாக இருப்பார். என்ன காரணம் என்று தெரியவில்லை. அதே போல் சில நாட்களில் அவரின் சகோதரியும் கல்லூரிக்கு  நடந்து செல்லும்போது கீழே விழுந்துவிட்டார். போலியோவுக்கு சின்னப் பிள்ளையில் மருந்து கொடுக்காவிட்டால் அது இப்படி பெரிய பிள்ளையானதும் கூட பாதிக்கும் என்று பேசிக் கொண்டார்கள் மக்கள்.

பழைய பேப்பர்..:-

பழைய பேப்பர்..:-
****************************
வாசித்தவுடன் அனைத்தும்
வீடடைக்கும் குப்பைகளாகி
எடைக்குப் போடத்
தகுதியானவையாகிவிடுகின்றன.

மொழிவாரியாக
பிரிக்க வேண்டும்.,
மானியத்திற்கல்ல..
விலை கூடக்கிடைக்க..

திங்கள், 1 டிசம்பர், 2014

செட்டிநாட்டு வீடுகள் முகப்பு. CHETTINADU HOUSES.

அக்கினியாத்தாள் படைப்பு வீடு ( சாமி வீடு.)


செட்டிநாட்டு வீடுகள். சினிமா, சீரியல் எல்லாம் இங்கேதான் எடுக்கப்படுகின்றன. ஆத்தங்குடி, கொத்தமங்கலம், கண்டனூர், புதுவயல், காரைக்குடி ஆகியன சினிமாக்காரர்களின் ஆதர்ஷ ஷூட்டிங் ஸ்பாட்டுகள்.

இவை செட்டிநாடு என்று சொல்லப்படும் 96 - தற்போது 72 ஊர்களில் உள்ள நகரத்தார்களின் எஞ்சிய வீடுகளில் உள்ள பகுதிகள்.



46 . நகரத்தார் - நாட்டில் கோட்டை கட்டி வாழ்ந்ததால் நகரத்தார்.

வெள்ளி, 28 நவம்பர், 2014

அம்மன் கோலங்களும் சாலட்ஸும் குமுதம் பக்தி ஸ்பெஷலில்.

அம்மன் கோலங்கள். தீச்சட்டி வேப்பிலைக் கோலம்.
மாவிளக்குக் கோலம்.

பால் குடம், கஞ்சிக் கலயம் கோலம்.


இந்தக் கோலங்கள் மே 16 - 31, 2014 குமுதம் பக்தி ஸ்பெஷலில் வெளிவந்தவை.

1. ஃப்ரூட்& நட்ஸ் சாலட் :-
தேவையானவை :-
வாழைப்பழம் - 1
ஆப்பிள் - 1
மாம்பழம் - அரைபாகம்
பலாச்சுளை - 2
பைனாப்பிள் - 1 ஸ்லைஸ்
ஆரஞ்சு - 1
சாத்துக்குடி - 1
கறுப்பு திராக்ஷை - 10
பச்சை திராக்ஷை - 10
பேரீச்சம்பழம் - 2
கிஸ்மிஸ் பழம் - 20
வறுத்த முந்திரி - 10
பாதாம் - 5
பிஸ்தா - 10
சாரைப்பருப்பு - 1 டீஸ்பூன்
செம்மாதுளை முத்துக்கள் - 1 டேபிள் ஸ்பூன்

பால் - 1 லிட்டர்
கஸ்டர்ட் பவுடர் - 1 டேபிள் ஸ்பூன்
சீனி -  2 டேபிள் ஸ்பூன்
பழ எசன்ஸ் - தேவைப்பட்டால் - 3 சொட்டு.
ஐஸ்க்ரீம் - 2 ஸ்கூப் ( வனிலா/பட்டர்ஸ்காட்ச்)
செர்ரி - 10 அலங்கரிக்க 
( ஃப்ருட் டின் + மில்க் மெயிட் ) - கிடைத்தால் இவைகளிலும் சிறிது சேர்த்துக் கொள்ளலாம்.

செவ்வாய், 18 நவம்பர், 2014

ஸ்ரீ மஹா கணபதிம், விக்நராஜாய நம


”விநாயகனே வினை தீர்ப்பவனே.
வேழமுகத்தோனே. ஞான முதல்வனே.

குணா நிதியே குருவே சரணம்
குறைகள் தீர்க்க இதுவே தருணம். 

முதலில் ஒரு கோல விநாயகர்.

அடுத்து பழனிமலை அடிவாரத்தில் உள்ள விநாயகர் கோயில்
விநாயகர் சதுர்த்தி அன்று பழனியில் ஊர்வலம் வந்த விநாயகர்கள்.

ஸ்ரீ மஹா கணபதிம், விகடாய நம.

குள்ளக்குள்ளனே
குண்டவயிரனே
வெள்ளைப் பிள்ளையாரே
விநாயக மூர்த்தியே
கருத்தப் பிள்ளையாரே
கருவிநாயக மூர்த்தியே
செவத்தப் பிள்ளையாரே
சிங்கார மூர்த்தியே.

பெங்களூரு விவி புரத்திலும் டின் ஃபாக்டரியிலும்  கே ஆர் புரத்திலும் உள்ள விநாயகர்கள் இனி அணிவகுக்கிறார்கள். முதலில் ஆஞ்சநேயருடன் விநாயகர். :)

அடுத்து டின் ஃபாக்டரியில் உள்ள கோயில் தூணில் உள்ள விநாயகர்.

இனி கே ஆர் புர விநாயகர்கள்.

ஸ்ரீ மஹா கணபதிம் . லம்போதராய நம

பிள்ளையார் பிள்ளையார்
பெருமை வாய்ந்த பிள்ளையார்
அரசமரத்தின் அடியிலே
அமர்ந்திருக்கும் பிள்ளையார்.

லால்பாக் மலர்க் கண்காட்சியில் பரங்கிக்காயில் செதுக்கப்பட்ட விநாயகர். :)

உறவினர் வீட்டில் இருந்த ந்யூஸ் பேப்பர்  விநாயகர்.

இனி வருபவர்கள் எல்லாம் பெங்களூரு வி வி புரத்தில் உள்ள விநாயகர்கள். விநாயக சதுர்த்திக்காக உலாப் போக ரெடியானவர்கள்.

வழித்துணையும் சுமைதாங்கியும்.

தலைக்குமேல் ஒரு கூரை
பக்கவாட்டு வெய்யில்
சல்லடைத்துளி மழை
ஒரு முழம் துணி
எப்போதோ ஒரு தீபமும்
பிள்ளைகள் சூழ்ந்து ஆடும் போதில்
சிதறிய தேங்காத்துண்டுகளும்.
இதற்குமேல் ஆசைப்படுவதில்லை
எங்கள் தெருவோரக் கடவுள்..
போகும் திசைக்கெல்லாம்
கைபிடித்துக் கூடவே வருவதும்
ஓய்ந்தமர்ந்த நேரங்களில்
எங்கள் திட்டைப் பெற்றுக்கொள்வதும்
அவர் பொழுதுபோக்கு.

திங்கள், 17 நவம்பர், 2014

கணவன் அமைவதெல்லாம்..

61. சகோ எல்லாரும் பிறந்த வருஷத்த இங்க எழுதுங்க.. யார் அண்ணன், யார் தம்பின்னு தெரியல.. ( நேத்துதான் காலேஜ் படிக்கிற மாதிரி இருந்த ஒரு தம்பிக்கு காலேஜ் போற மக இருக்கான்னு தெரிஞ்சுச்சு.. ! )

*******************************************

62. எது ரொம்பப் பிடிக்குதோ அதே ஒரு சமயம் வெறுக்குது. எது ரொம்ப வெறுக்குதோ அதே ரொம்பப் பிடிக்குது.. ஹாஹா கொழப்பமா இருக்கா எனக்கும்தான் :)

******************************************

63. முன்ன பத்துமணியானா பக்கத்துவீட்டுல கொஞ்சநேரம் அரட்டை அடிப்போம். இப்ப ஃபேஸ்புக்குல.. மனுஷ சுபாவம் மாறவே இல்ல.  :)

******************************************

64. இனிப்பு சீடை விக்குது., பட்சணமெல்லாம் விக்குது., பிரியாணி கூட விக்குது.. கொழுக்கட்டையும் ., சர்க்கரைப் பொங்கலும் கூட வித்தா நல்லா இருக்கும்.. :) :) :)

******************************************

65. மிட்நைட்ல முழிப்பு வந்தாலும் ஃபேஸ்புக்கை எட்டிப் பார்க்கலாமான்னு நெனைக்கிறது எத்தனை பேரு. :)

********************************************

66. வெளியே ஒரே மழை.. ஜன்னலோரம் உக்கார்ந்து கல்கியோட ஒரு புத்தகமும் வேகவைச்ச சோளக்கருதும்.. எது டேஸ்டுன்னு சொல்ல முடியல.. :)

********************************************

67. புயலுக்குப் பின்னே அமைதி என்பது இதுதானா.. நிசப்தம் கூடக் காதை அறைகிறது. பக்கத்துணையாக பக்கத்துக் காம்பவுண்டில் ஒரு சின்ன நாய்க்குட்டி பிஞ்சுக்குரலில் கத்திக் கொண்டே இருக்கிறது. எடுத்து வளர்க்கிறாங்களா.. அல்லது அம்மாவைப் பிரிந்த துயரமா தெரியலை.. என்னவோ போல இருக்கு..

சனி, 15 நவம்பர், 2014

பத்ரிக்கைகளில் புகைப்படப் படைப்புகள் பாகம் 2



வள் புதியவளுக்காக விஐபியுடன் எடுத்துக் கொண்ட புகைப்படத்துடன் அதைப் பற்றிய விவரத்தை அனுப்பினால் புடவை பரிசு  என்று அறிவித்திருந்தார் மை பாரதிராஜா. உடனே எங்கள் முகநூல் நண்பர்( இயக்குநர் & நடிகர்  சேரன் பாண்டியன் ) சேரன் அவர்களை  நாங்கள் எங்கள் அன்பு ராஜிக்கா சிங்கப்பூரிலிருந்து வந்தபோது பார்க்கச் சென்றோம். அப்போது எடுத்த புகைப்படத்தைக் குறிப்போடு எழுதி அனுப்பினேன். உடன் புடவைப் பார்சல் வந்துவிட்டது.
 


இவள் புதியவளில் வலைப்பூக்களில் கலக்கிவரும் புயல் பூக்கள் அறிமுகத்துக்குப் பின் கவிதைகள் கட்டுரைகள் வெளிவரத் துவங்கின. கோதை, ஆண்டாள், வெங்கட் சபா, தேனு, தேனம்மைலெக்ஷ்மணன் என்று புனை பெயரிலும் சொந்தப் பெயரிலும் எழுதத் துவங்கினேன். சில சமயம் என்னுடைய கட்டுரைகளும் வாங்கிக்கொடுத்த கட்டுரைகளுமாக 6, 7 கூட இடம்பெறத் துவங்கின காலம் அது.அந்த கால கட்டத்தில் இரு கவிதைகளை என் புகைப்படத்துடன் வெளியிட்டிருந்தார்கள். !

சாட்டர்டே ஜாலி கார்னர். பத்மஸ்ரீ விஜயகுமாரும் அகஸ்தியர் கூடமும்.

என் முகநூல் சகோதரர் பத்மஸ்ரீ விஜயகுமார். பத்மஸ்ரீ என்பது அவரின் கடைப் பெயர். ( பேரோடு சேர்ந்து ஒலிக்கும்போது விருதுப் பெயர்போல் இருக்கிறதே  என்று நினைத்தேன்) . எனவே மனைவியோ, தாயோ என்ற குழப்பம் வேண்டாம். :)

இவர் சென்ற இதழ் சக்தி விகடனில் சத்குரு ஜக்கி வாசுதேவ் அவர்களுடன் இருக்கும் புகைப்படத்தில் இடம் பெற்றிருந்தார். ஆச்சர்யமாக இருந்தது. சின்ன வயதிலேயே ஆன்மீகத் தேடல் அதிகம் உள்ள சகோதரர்.

{இங்கே ஹைதையில் பௌர்ணமி அன்று சத்குரு கலந்துகொள்ளும் நிகழ்வுக்கு நான் சென்று வரவேண்டும் என்று கூறி விபரங்கள் அனுப்பினார். ஆனால் என்னால் சென்று வர இயலாத அளவு வீட்டிலும் விசேஷங்கள். :) திடீரென்று லீவ் கிடைத்து கணவர் , குழந்தைகள் எல்லாரும் ஒண்ணா இருந்தாலே விசேஷம்தானே :) }

விஜய் கோவையை இருப்பிடமாகக் கொண்ட மெக்கானிக்கல் இன்ஜினியர். இளம் வயதுதான் என்றாலும் ராம்சுரத் குமார், சத்குரு ஜக்கிவாசுதேவ், அகத்தியர் படங்களைத் தன் முகப்புப்படமாக வைத்திருப்பார்.

மலை சார்ந்த புகைப்படங்கள் அடிக்கடி இடம் பெறவே அவரிடம் மெசேஜ் செய்து கேட்டதில் மலைப்பயணங்களில் (அதுவும் மனிதர்கள் அதிகம் பயணித்திராத மலைப் ப்ரதேசங்களுக்குச் செல்வதில் ) அதி விருப்பம் எனச் சொன்னார். அவர் பயணித்த ஒரு மலைப் பயணத்தைப் பற்றிக் கேட்டவுடன் குறுமுனி அகத்தியர் உறைந்திருக்கும் பொதிகை மலை பற்றியும் அங்கே பயணம் செய்து வந்தது பற்றியும் எழுதி அனுப்பினார்.

///விஜய் நீங்கள் சென்று வந்த ஒரு மலைப்பயணத்தைப் பற்றி சும்மாவின் வாசகர்களுக்குக் கூறுங்கள். ? (என்னென்ன இடையூறுகளைக் கடந்தீர்கள் ? மேலும் மலையேற்றம் செய்ய விரும்புபவர்கள் கைக்கொள்ள வேண்டியது என்ன. ?உங்கள் அனுபவங்கள் மூலம் தெரிந்து கொள்கிறோம்)  ///

பொதிகைமலை உச்சியிலே புறப்படும் தென்றல் ....

மேற்கு மலை தொடரில் தமிழக கேரள எல்லை பகுதியில், பல அரிய உயிரினங்களின் வாழ்விடமாக இருக்கும் செங்குத்தான மலை மலையின் உச்சியில் வீற்றிருக்கும் அகத்திய மாமுனியை காண பயணமானோம்.. நண்பர்களுடன்.

பல மூலிகைகளை தழுவி வந்து நம்மை வருடி செல்லும் மெல்லிய தென்றல்...

Related Posts Plugin for WordPress, Blogger...