புஸ்தகாவில் என் முதல் மின்னூல் . ”பெண்மொழி”

புஸ்தகாவில் என் முதல் மின்னூல் . ”பெண்மொழி”
புஸ்தகாவில் என் முதல் மின்னூல் . ”பெண்மொழி”

சனி, 31 ஜனவரி, 2015

நாற்றங்கால்



எனக்குள்ளும்
ஒரு நாற்றங்கால்
தலையசைக்கும்

களையெடுக்க
அவசரிக்கும்

நிலம்விரும்பி
நீருறிஞ்சி
வேர்க்கையால் நன்றி கூறி
உரம் வளர்க்கும்.

கர்மயோகியாய்க்
குண்டலியை
நெற்றியில் நிறுத்தித்
தலைவணங்கிக்
கிடக்கும் நெற்பயிர்.

சாட்டர்டே போஸ்ட். உரத்த சிந்தனையாளர்,பன்முகத் திறமையாளர் பத்மாமணி.

முதன் முதலில் பத்மாமணி மேடத்தை நான் விக்னேஷ்வரா க்ளப்பின் ஒரு நிகழ்ச்சிக்கு ருக்மணி அம்மாவுடன் துணை விருந்தினராகச் ( துணைக்குச் சென்று விருந்தினராக கௌரவிக்கப்பட்டேன். ! )  சென்றபோது சந்தித்தேன்.
எஸ் ஏ பி வரதன் அவர்களுடன்.

வெள்ளி, 30 ஜனவரி, 2015

ப்ரியமுள்ள முதியவளுக்கு :-



ப்ரியமுள்ள முதியவளுக்கு :-

ஒரு சின்னக்குட்டி
எழுதும் அன்பு மடல்
உன்னுடைய ஊன்றுகோலும்
மூக்குக்கண்ணாடியும் நலமா ?
இந்தக்காயசண்டிகைக்கு
அறிவுநீர் வார்த்து
அமைதிப்படுத்தினவளே.
என்னை
உதயகுமாரனாய் நினைத்துக்
கண்ணாடி மாளிகைக் கதவு
அடைப்பதேன்.?

வியாழன், 29 ஜனவரி, 2015

மஞ்சள் முகமே வருக. (LAL BAGH )

செம்பருத்தி செம்பருத்திப் பூவைப் போலப் பெண் ஒருத்தி.
ஹவாய்த் தீவுகளில் இருக்கும் பூ என்று கூகுளில் தேடினால் சொல்கிறது. ஆனால் இதை நான் லால்பாகில் பிடித்தேன். :)

புதன், 28 ஜனவரி, 2015

ஸ்ரீ மஹா கணபதிம், சூர்ப்பகர்ணாய நம

ஸ்ரீ மஹா கணபதிம், சூர்ப்பகர்ணாய நம

ஆதிசங்கரர் அருளிய கணேச புஜங்கம். ( தமிழில் )  ( நன்றி குமுதம் பக்தி ஸ்பெஷல் )

3. இளங்கதிர் செம்மலர் இணைவுறு செம்மணி
துலங்கிய பூந்தளிர் அனையநல் ஒளியினர்
விளங்கிய ஒருதனி தானெனத் தனித்தவர்
இலங்கிடு  பெருவயி றொருபுடை சாய்ந்துபின்
வரம்தரத் தொங்கிட வளை துதிக்கையொடு
திறம்பெறு ஒருகோ டுடையவர் கணபதி
அரனது கணநிரை அதனது தலைமையர்
அருமையர் அரன்மகன் அவரையே துதிக்கின்றேன். 

ஹைதை சில்பாராமம்.
அங்கே இருந்த ஓவியக் கடை.

செவ்வாய், 27 ஜனவரி, 2015

கடல் விலங்கும் புத்தகக் குறிப்புகளும்.


121. தெரிந்தவர் தெரியாதவர்
பேதமற்று இதழ் மலர்கிறது.
பேருந்தின் முன்சீட்டில்
பூத்த குழந்தை. 
 
122. தெரியாமல் செய்துவிட்டதுதான்
தெரியாமல் பின் தொடர்ந்துவந்திருக்கிறது

தெரியாமலே கலங்கிக்கொண்டிருக்கிறேன்

தெரியவைக்காமல் போகாது

தெளிந்தெழவும் விடாது

துரத்திக்கொண்டிருக்கிறது. 

123. எத்தனையோ ராஜா ராணிகளைப் பார்த்த அந்த நிலவு
அந்த உப்பரிகையின் அருகில் அன்று
எங்களையும் பார்த்தது..


திங்கள், 26 ஜனவரி, 2015

குடியரசு/சுதந்திர தினத்தில் லால்பாக்.

பெங்களூருவில் என்னக் கவர்ந்த இடம் என்றால் அது லால்பாக்தான். இரண்டு முறை சுதந்திர தினத்தன்றும் குடியரசு தினத்தன்றும் சென்று வந்திருக்கிறேன். போய் அங்கே இருக்க பூ ஒன்று விடாமல் புகைப்படம் பிடிக்க ஆசை. ஆனா அதுல பத்துல ஒரு பங்குகூட எடுக்க முடியல. அவ்ளோ கூட்டம். எடுத்ததிலும் பாதிக்கு மேல ப்ளாப். :) கோணல்மாணலா எடுத்தது அநேகம். அவுட் ஆஃப் ஃபோகஸில் அதில் பாதி. ஓரமா விழுந்திருக்கும் பூக்கள் அதில் பாதி. ஹிஹி அப்ப என்னதான் எடுத்தீங்கன்னு கேக்குறீங்களா. அடுத்து அடுத்த வாரங்களில் நான் எடுத்த படங்கள் வெளிவரும்.

இப்போ குடியரசு தினத்திலும் சுதந்திர தினத்திலும் லால் பாக் சென்றபோது லால்பாகை எடுத்த சில புகைப்படங்களைப் ( பூக்கள் தவிர்த்து - அதன் மெயின் தீம் தவிர்த்துப் ) பகிர நினைக்கிறேன்.

அதோ செண்டர்ல தூரத்துல தெரியுதுல்ல அதுதான்ன் கெம்பே கௌடா டவர் :) நல்லா உத்துப் பாருங்க :)
இதுல இருக்க எல்லா இடங்களுக்கும் கூட்டிப் போகல. சில இடங்களுக்கு மட்டும் அழைச்சிட்டுப் போறேன். :)

ஞாயிறு, 25 ஜனவரி, 2015

திண்ணையில் ஒரு இடம்.

நான் வலை உலகில் எழுத வந்து ஒரு வருடத்துக்கு மேல்தான் திண்ணையின் இணைய முகவரி கிடைத்து எழுதத் தொடங்கினேன்.

செப்டம்பர்  2, 2010 இல் ரிஷான் ஷெரீஃபின் நூல்-- வீழ்தலின் நிழலுக்கு எழுதிய  விமர்சனம்தான் முதலில் வெளிவந்தது. அதன் பின் கவிதைகள், கதைகள், கட்டுரைகள், நகைச்சுவையும் வித்யாசமானவையும் , ஆன்மீகம், சமூகம் என்று கிட்டத்தட்ட 190 படைப்புகள் வெளிவந்துள்ளன. ஆனால் புதுத்திண்ணையில் 101 படைப்புகள் மட்டுமே கொடுக்கப்பட்டிருக்கின்றன. மிச்சம் பழைய திண்ணை இணைப்பில் இருக்கிறது.

என்னுடைய வளர்ச்சியில் முக்கியப்பங்கு வகித்துள்ளது திண்ணை. என் படிமக் கவிதைகளைத் திண்ணையில் படித்ததாகவும் நன்றாக இருந்ததாகவும் விஜயன் ஒரு முறை மெயில் செய்திருந்தார்.

சனி, 24 ஜனவரி, 2015

சாட்டர்டே போஸ்ட். கீதா சாம்பசிவம் - விரதங்களும் ஃபல் ஆஹாரும்.

        
 கீதா சாம்பசிவம் மேம். வலைத்தளப் பகிர்வுகளில் மட்டுமல்ல பின்னூட்டங்களிலும் சும்மா பிச்சு ஒதறுவார். சிலருக்கு எழுத்து என்பது ஒரு வரம். அது கீதா மேடத்துக்கும் வாய்க்கப் பெற்றிருக்கு. பொங்கல் ( சீ (று)ருங்கள், திருப்பாவை, மார்கழி, ஆன்மீகப் பயணங்கள், பெட்டகம் ( போன தலைமுறையில் நம் குடும்பத்தினர் உபயோகித்த பொருட்கள் பற்றிய விவரங்களும் , குறிப்பிட்டுச் சொல்லணும்னா இவரோட முதல் தாட்ஸ்ம், ( 2005 லேயே பதிவர்பா.. ப்ப்பா !!!! ) , ஊர்மிளை பற்றின சாகேத் ராமாயணக் கவிதை விவரிப்பும் அற்புதம். படிச்சுப் பாருங்க.

வெள்ளி, 23 ஜனவரி, 2015

ஓணம் ஸ்பெஷல் குமுதம் பக்தி ஸ்பெஷலில்.

இந்தக் கோலங்களும் நிவேதனங்களும் செப்டம்பர் 1 - 15, 2014 குமுதம் பக்தி ஸ்பெஷலில் வெளிவந்தவை.

வியாழன், 22 ஜனவரி, 2015

தொட்டால் தொடரும் நாளை.

வலையுலக நண்பர் கேபிள் சங்கரின் தொட்டால் தொடரும் நாளை வெளிவருகிறது.

கதாநாயகி தேவையில்லாத ஒரு பிரச்சனையில் மாட்டிக்கொள்வதாகவும் கதாநாயகன் அந்தப் பிரச்சனையில் இருந்து அவரை மீட்பதாகவும் என்று கதையின் அவுட்லைனை தமிழ் சினிமா ரிப்போர்ட்டருக்காகக் கூறியுள்ளார் சங்கர்.

மேலும் அவர்களின் பேட்டியில்  உங்களால்  (படம் பற்றி ) விமர்சிக்கப்பட்டவர்கள் உங்களை எதிர் விமர்சனம் செய்தால் எப்படி ஏற்றுக் கொள்வீர்கள் என்று கேட்டதற்கு  படத்தைப் பற்றி யாரும் விமர்சனம் செய்தால் அதை ஏற்றுக்கொள்ளும் பக்குவம் தனக்கு உண்டு என்று கூறி இருக்கிறார். நாளை ரிலீஸ். படம் வெற்றிபெற வாழ்த்துகள் கேபிள் சங்கர்ஜி.



காரைக்குடி திருக்குறட்கழகத்தின் 61 ஆம் ஆண்டு குறள் விழா.

காரைக்குடி திருக்குறட்கழகத்தின் 61 ஆம் ஆண்டு குறள் விழா.:-
.


சென்ற சில மாதங்களுக்குமுன் காரைக்குடி சென்றிருந்த போது திருக்குறள் கழகத்தின் 61 ஆம் ஆண்டுவிழாவுக்கான அழைப்பிதழை என் அன்பிற்குரிய மாமா திரு லயன் வெங்கடாசலம் அளித்தார்கள்.

புதன், 21 ஜனவரி, 2015

குங்குமம் தோழியில் மலருக்குப் பிடித்த பெண் பதிவர்கள்.



நட்புகளில் இவர் நன்று ,இவர் சரியில்லை என்ற பேதம் பார்ப்பதில்லை நான்...எல்லோரிடமும் ஏதோ ஒரு தனித்துவம் உண்டு என்பதை அவர்களின் பதிவுகளின் மூலம் அறிந்து ,படித்து , ரசித்து வருகிறேன் நாள்தோறும்..
ஒவ்வொருவரும் ஒவ்வொரு விதம் என்று சொல்லும் வகையில் பலதரப்பட்ட நட்புக்களும் அவர்களின் எண்ணங்களும் இங்கே வெகு அழகாக வெளிப்படுகிறது.அவர்களில் என்னை அதிகம் ஈர்த்த சில பதிவர்களைக் குறித்து இங்கே சொல்ல விரும்புகிறேன்.

தேனம்மை லெட்சுமணன்
*************************************
- ஒரு சக பிளாக்கர் ஆக இவர் 2009 தில் எனக்கு அறிமுகம் ஆனவர்.(அவருக்கு அப்போ என்னைத் தெரியாது) ..அப்போது அவர் பதிவுகள் சில வாசித்தது உண்டு...பின்பு முகப்புத்தகம் வந்து சில மாதங்களில் எனது நட்பு வட்டத்தில் இணைத்துக் கொண்டேன்.அவர் பதிவுகளில் கட்டுரைகளும் , கவிதைகளும் தொடர்ந்து வெளிவந்து என்னை அவர் ரசிகையாக மாற்றியது உண்மை.நல்ல கலாரசிகரும் கூட.. சமீபத்தில் என்னை மிகவும் ஈர்த்த அவர் வரிகள் ''அழகு முதுமை வரை தொடர்கிறது. அறிவு மரணம் வரை தொடர்கிறது. அன்பு அதற்குப் பின்னும் தொடர்கிறது.''

இவருக்கு நான் வைத்த பெயர்-கவியம்மை

அன்ன பட்சியும் கயல்விழிஷண்முகமும்

தேனக்கா....

முகநூலில் கிடைத்த நல்ல நட்பு.

நிறைய பகிர்ந்திருக்கிறோம். நிறைய பேசியிருக்கிறோம்.

படபடவென பேசி அதே வேகத்தில் பாசத்தால் திக்குமுக்காடச் செய்யும் அன்பின் அருவி Thenammai Lakshmanan

தனது அன்னப்பட்சி நூல் வெளியீட்டுக்கு என்னை அழைத்திருந்தார். கவிஞர் என்ற அடைமொழி சேர்த்து அச்சிடப்பட்டிருந்தது. நானும் இரவெல்லாம் கண்விழித்து எழுதி வைத்திருந்தேன். மறுநாள் அகநாழிகை பதிப்பகத்தில் நிகழ்ச்சி. தமிழச்சி,தேனக்கா,வாசு என்று மனதிற்கு நெருங்கிய நட்புகள் தானென்றாலும் மெல்லிய பதட்டம் இருந்தது. அதை மீறிய மகிழ்வு. கல்லூரி நாட்களுக்குப் பின் இலக்கியம் பேச ஒரு வாய்ப்பென்பதிலும் கணவரும் உடன் வருவார் என்கிற துள்ளலும்.

செவ்வாய், 20 ஜனவரி, 2015

துபாயில் ஆஸ்ட்ராலஜிபடி சக்ஸஸிவா ஷேர் பிசினஸ் செய்யணுமா.



என்னுடைய அண்ணன் திரு வள்ளியப்பன் மாணிக்கம் அவர்கள் பாண்டியில் வசிக்கிறார்கள். பங்குச் சந்தை ஆலோசனையும், ஜோதிட ஆலோசனையும் தொடர்ந்து வழங்கி வருகிறார்கள்.

”அன்ன பட்சி”க்கு அரிமாவின் ”சக்தி” விருது.

அன்னபட்சிக்கு அரிமா சக்தி விருது கிடைத்துள்ளது. எனது தோழியர் ராமலெக்ஷ்மி, சுபா மேம், அகிலா புகழ், சுந்தரி செல்வராஜ், சாந்தா தத் மேம், ராஜேஸ்வரி கோதண்டம் மேம் ஆகியோருக்கும் இன்னும் 15 பெண் எழுத்தாளர்களுக்கு  ( கதை, கட்டுரை, கவிதை, மொழிபெயர்ப்பு ஆகியவற்றுக்காக) விருது கிடைத்துள்ளது.  தேர்ந்தெடுக்கும் மிகக் கடுமையான பணியில் ஈடுபட்ட திரு. கனவு சுப்ரபாரதி மணியன் சார் அவர்களுக்கும், விருது வழங்கி எம்மையெல்லாம் கௌரவித்த திருப்பூர் அரிமா சங்கத்தினருக்கும் மனமார்ந்த நன்றிகள்.

திங்கள், 19 ஜனவரி, 2015

புத்தம் புதிய புத்தகமே பாகம் 2.

என் முகநூல் நண்பர் சண்முகம் சுப்ரமணியன் அவர்களின் இரு நேர்காணல்கள் இந்தப் புத்தகத் திருவிழாவில் வெளிவருகின்றன. ஒன்று முபின் சாதிகா , இன்னொன்று ட்ராட்ஸ்கி மருது.

புகைப்படம் சார்ந்த பகிர்வுகளில் தத்துவக் கருத்துக்களை தினம் 20 ஆவது பகிர்வார் சண்முகம். ஒவ்வொன்றும் சிந்தனையைச் செதுக்கக்கூடியதாக இருக்கும். உலகளாவிய இலக்கிய தத்துவ ஞானிகளின் மேற்கோள்களும் கருத்துகளும் கவி வரிகளும் தினம் அழகழகான கேரிகேச்சர்களில் பகிர்வார். அவர் எடுத்த நேர்காணல் என்பதால் இரண்டுமே ரொம்ப ஸ்பெஷலாகத்தான் இருக்கும்.

முபின் சாதிகா  அவர்களின்  வலைப்பூவையும் கவிதைகளையும் படித்து அசந்திருக்கிறேன். மிகச் சிறப்பான ஒரு ஆராய்ச்சிக்கட்டுரை போலிருக்கும் அவரது எல்லாக் கட்டுரைகளும். நெருக்கமாய் கோர்க்கப்பட்ட சரங்கள் போலிருக்கும் கவிதைகள். இவரது கவிதைகளுக்கு சகோ பாலகணேஷ் விமர்சனம் எழுதி இருக்கிறார்.

அன்ன பட்சி பற்றி புதிய தரிசனம் பத்ரிக்கையில் அகிலாவின் விமர்சனம்.

  1. அன்னபட்சி பற்றி அகிலா புகழ் கோவை இலக்கிய சந்திப்பில் பேசியதை தனது வலைப்பதிவில் ( சின்ன சின்ன சிதறல்கள் ) பதிவிட்டிருந்தார்.

அதன் சுருக்கம் அக்டோபர் 16 - 31  புதிய தரிசனம் இதழில் வெளியாகி உள்ளது.

தலைப்பிற்குரிய கவிதையில் தேனம்மை அவர்கள், அன்னபட்சியின் தன்மையை அழகாய் இயம்புகிறார். அன்னபட்சி எப்படி நீர் தவிர்த்து பால் மட்டும் கொள்ளுமோ அதையே சற்று மாற்றி,

ஞாயிறு, 18 ஜனவரி, 2015

ஸ்ரீ மஹா கணபதிம், வக்ரதுண்டாய நம.

ஸ்ரீ மஹா கணபதிம், வக்ரதுண்டாய நம.

சென்னையில் மாங்காடு திருவேற்காடு செல்ல எடுத்த கால் டாக்ஸியில் ஒரு அழகு விநாயகர்.

ஆதிசங்கரர் அருளிய கனேச புஜங்கம். ( தமிழில் )  ( நன்றி குமுதம் பக்தி ஸ்பெஷல் )

2. ஒலியில் வலிபெறும்  தெளிவுறு வீணையின்
ஒலியினை ஒடுக்கிய மலர்முகம் உடையவர்
நவமுடன் சிறிதசை துதிக்கையின் நுனியில்
உளநிறை மாதுளங் கனியினை உடையவர்
புழை செவி  வழிகிற மதமழை நறுமணம்
புணர்மகிழ் வண்டினப் பெருந்தொகை உடையவர்
அரனது கணநிரை அதனது தலைமையர்
அருமையர் அரன்மகன் அவரையே துதிக்கின்றேன்.


 

பள்ளிக்கூடத்தில் தம்பி மகன் காசி விஸ்வநாதன். மாறுவேடப்போட்டியில் விநாயகராக.

சென்னையில் பாரதி சாலையில் உள்ள பாரதி மெஸ்ஸின் எதிர் சுவரில்.

சனி, 17 ஜனவரி, 2015

TAK3N (->T4KEN ) CINEMA REVIEW. டேக்கன் 3. சினிமா எனது பார்வையில்.

என்ன ஆக்‌ஷன் மூவிஸ் எல்லாம் பார்ப்பீங்களான்னு கேக்குறீங்களா. முதல் நாள் முதல் ஷோ டிக்கெட் கிடைச்சா அதுவும் ஹைதராபாத்  ஃபோரம் மால்ல பார்க்குற சான்ஸ் கிடைச்சா விடுவீங்களா என்ன. ?

ஆக்சுவலா நான் லியம் நீஸனின் டேக்கன் 1, டேக்கன் 2 இரண்டும் பார்த்துட்டு ரசிகையா ஆகி இருந்தேன்.

சாட்டர்டே போஸ்ட் நிகழ்ச்சி மேலாண்மை பற்றி மீனா லெட்சுமணன். ( EVENT MANAGEMENT)

என் அன்புத் தங்கை கயல். மனித நேயமிக்கவள். பொது நல காரியங்களில் ஈடுபாடு உண்டு. அவளுக்கும் எனக்குமான பந்தம் 5 வருடங்களுக்குமுன் ஆரம்பித்தது. ஒரு நாள் திடீரென வீட்டுக்கு ஒரு அழகான பரிசுப்பொருளோடு பார்க்க வந்தா. அன்னிலேருந்து இன்னி வரைக்கும் அந்தத் தொடர்பு ( நான் ஊர் ஊராவோ ஸ்டேட் ஸ்டேடாவோ போனாலும் ) அப்பிடியே மெயிண்டெயின் ஆகிக்கிட்டு இருக்கு.

வெள்ளி, 16 ஜனவரி, 2015

மு. கோபி சரபோஜியின் இரு நூல்கள்:-



மு. கோபி சரபோஜியின் இரு நூல்கள்:-

வின்ஸ்டன் சர்ச்சில் 100 மற்றும் மௌன அழுகை.

2015 சென்னை புத்தகத் திருவிழாவை ஒட்டி சில நூல்களை சுருக்கமாக அறிமுகப்படுத்த எண்ணியுள்ளேன்.

முதலில் வின்ஸ்டன் சர்ச்சில் 100.:-
*******************************************************

வின்ஸ்டன் சர்ச்சில் பற்றிய தகவல்களைத் தொகுத்து தமிழில் வழங்கி இருக்கிறார் கோபி. மிக அரிய முயற்சி. இதில் நான் ஆச்சர்யப்பட்டது சர்ச்சிலின் மொழி வளம் பற்றி. மிகப் பெரும் அரசியல்வாதி என்பதைத் தவிர ஆற்றலுள்ள பேச்சாளரும் கூட என்பதையும் அரிய முடிந்தது.

புதன், 14 ஜனவரி, 2015

ஷான் கருப்பசாமியின் விரல்முனைக் கடவுள்:-



ஷான் கருப்பசாமியின் விரல்முனைக் கடவுள்:-

2015 சென்னை புத்தகத் திருவிழாவை ஒட்டி சில நூல்களை சுருக்கமாக அறிமுகப்படுத்த எண்ணியுள்ளேன். கவிதைகளை என்றுமே விமர்சிக்க முடியாது. ஒவ்வொரு கவிதையும் கவிஞனின் எண்ணப் போக்கின் வெளிப்பாடு. மனம் மலரும்போது மலர்ந்தும் , சுருங்கும்போது கசங்கியும் விழும் பூக்களைப் போலத்தான் கவிதைகளும்.எனவே நான் ரசித்த சிலரின் கவிதைகள் இங்கே . முதலில் ஷான் கவிதைகள்.

உங்கள் குழந்தையை சூப்பர் ஸ்டார் ஆக்குங்கள் :-

உங்கள் குழந்தையை சூப்பர் ஸ்டார் ஆக்குங்கள் :-

கிழக்குப் பதிப்பகத்தின் மிக அருமையான நூல் உங்கள் குழந்தையை சூப்பர் ஸ்டார் ஆக்குங்கள். நம் குழந்தைகளிடம் என்னமாதிரியான திறமைகள் ஒளிந்திருக்கின்றன. அவற்றை நாம் இனங்கண்டு அவர்களை எப்படி வழி நடத்தலாம் என்பதை ஜி ராஜேந்திரன் தகுந்த விளக்கங்களுடன் அளித்துள்ளார்கள்.

செவ்வாய், 13 ஜனவரி, 2015

சி. சரவணகார்த்திகேயனின் நூல் பரத்தைக்கூற்று. நூல் பார்வை.



சி. சரவணகார்த்திகேயனின் நூல் பரத்தைக்கூற்று.

சிறிது அதிர்ச்சியை உண்டாக்கிய தலைப்புதான். படித்த பல கணங்களுக்குப் பின்னும் கூட அது நீடித்தது என்று சொல்லலாம். சரவண கார்த்திகேயன் தனது முதல் தொகுதிக்கு இப்படி ஒரு தலைப்பை வைத்திருப்பது ஆச்சர்யம்தான். பெங்களூருவில் கணிப் பொறியியல் வல்லுநராகப் பணியாற்றி வரும் இவர் இந்திய நிலவாராய்ச்சித் திட்டம் பற்றி சந்திராயன் என்று ஒரு புத்தகமும் சாருவுடனான விவாதங்கள் தாந்தேயின் சிறுத்தை என்று இரண்டாம் நூலாகவும் வந்திருக்கின்றன. மூன்றாம் நூலான இக்கவிதைத் தொகுதி இவரது முதல் கவிதைத் தொகுதி.  

திங்கள், 12 ஜனவரி, 2015

விடியும்வரை காத்திரு.



தகிக்கிறது
உறைக்கிறது
சுடுகிறது
எரிக்கிறது
காய்ச்சுகிறது
காந்துகிறது
கனலுகிறது
அனலடிக்கிறது
புழுங்குகிறது
போடுபோடென்று
போடுகிறது என்றெல்லாம்
கூப்பாடு போட்டாலும்

”ங்கா” பற்றி திரு நல்ல தம்பி அவர்கள்.



மதிப்பிற்குரிய தேனம்மை அவர்களுக்கு,
வணக்கம்.
எனக்கு விமர்சிக்கும் திறமை, அதை கோர்வையாய் வார்த்தைகளால் வடிக்கும் வலிமை கிடையாது. இது நான் உங்கள் “ங்கா....” படிக்கும்போது என்னுள் ஏற்பட்ட உணர்வுகள், அதை உங்களுக்கு தெரிவிக்கும் முயற்சி,
அவ்வளவே.

ஞாயிறு, 11 ஜனவரி, 2015

சென்னை புத்தகத் திருவிழாவில் எங்கள் புத்தகங்கள் கிடைக்குமிடம்.

அகநாழிகை பதிப்பகத்தின் வெளியீடுகள்
2013, 2014 மற்றும் - ஜனவரி 2015

சனி, 10 ஜனவரி, 2015

சாட்டர்டே போஸ்ட். எலக்ட்ரானிக் வேஸ்டேஜும் சுனாமியும் பற்றி கோகுல கிருஷ்ணன்

என் முகநூல் நண்பர் கோகுல கிருஷ்ணன். சினிமா விமர்சனங்கள் தூள் பறக்கும். நினைத்ததை சுவாரசியமா நச்சுன்னு சொல்லத் தெரிஞ்சவர். அவரோட பிகே படம் பற்றிய கருத்து பார்த்துட்டு அசந்துபோனேன். மாலத்தீவுல இருக்கிறார். 2012 இல் இருந்து நட்பு வட்டத்தில் இருப்பவர். வேலைகளுக்கிடையிலும் என் படைப்புகளைப் பார்த்து ஒரு லைக் போடுவார். தனுஷின் நடிப்பு எனக்குப் பிடிக்கும். அதையே இவரும் ஒரு கட்டுரையில் எழுதி இருந்தார். அதே போல யாருடைய ஆன்மீக விஷயங்களிலும்  தலையிடுவது எனக்கு பிடிப்பதில்லை. இவரின் பிகே பற்றிய பதிவிலும் அதையே படித்தேன். மேலும் அரசியல் விமர்சனங்களும் சுருக் & நறுக்தான்.

வெள்ளி, 9 ஜனவரி, 2015

புத்தம் புதிய புத்தகமே..

2015 சென்னை புத்தகத் திருவிழாவை ஒட்டி தினம் ஒரு புத்தகத்தின் அட்டைப் படத்தை முகநூலில் பகிர்ந்து வருகிறேன். அந்த  நூல்கள் பற்றி சிறு அறிமுகம் இங்கேயும்.

என் அன்பிற்குரிய கவித சொர்ணவல்லியின் முதல் சிறுகதைத் தொகுப்பு.  

பொசல் 
நிலமிசை வெளியீடு
சிறுகதைகள். 
ஆசிரியர் :- கவிதா சொர்ணவல்லி. 
விலை ரூ 80/-

ஸ்ரீ மஹா கணபதிம், கஜானனாய நம

2014 , ஜனவரி, 19. அகநாழிகையின் புதுப்புனலில் இருந்த விநாயகர். :) என் அன்னபட்சி வெளியீட்டின்போது இருந்தவர். :)

ஆதிசங்கரர் அருளிய கணேச புஜங்கம். ( தமிழில் )  ( நன்றி குமுதம் பக்தி ஸ்பெஷல் )

1. கணகணவென ஒலிசெய் மணி இசையினில்
கவினுறு கற்பகக் கணபதி களிப்பவர்
மனநிறை மதகரி இருசெவி முறமென
மகிழ்வுறு தாண்டவம் ஏற்புற நடிப்பவர்
பெருவயி றதனிடை அரவினை  அணியென
பெருமையில் உரிமையில் அருமையா யணிபவர்
அரனது கணநிரை அதனது தலைமையர்
அருமையர் அரன்மகன் அவரையே துதிக்கின்றேன்.

தி நகர் முப்பாரப்பன் தெரு ஆட்டோ ஸ்டாண்ட் விநாயகர்.

வியாழன், 8 ஜனவரி, 2015

எல்லாருக்கும் பிடித்த எம்ஜியார்.

எல்லாருக்கும் பிடித்த எம்ஜியார்:-

எம்ஜியார் என்ற மூன்றெழுத்து மந்திரம் நம் தமிழ் சினிமாவையும் அரசியலையும் ஆட்டிப்படைத்த விபரத்தையும் அவரது வாழ்க்கைச் சரிதத்தையும் பால கணேஷ் சுருக்கமாக அழகாக விவரித்துள்ளார்.

புதன், 7 ஜனவரி, 2015

மு கோபி சரபோஜியின் ஆன்மீக சாண்ட்விச்.



மு கோபி சரபோஜியின் ஆன்மீக சாண்ட்விச்:-

உலகமயமாக்கலில் ஆன்மீகத்தையும் இணைத்து கோபி தந்திருக்கும் கட்டுரைகளின் தொகுப்பே ஆன்மீக சாண்ட்விச். ஃபாஸ்ட்புட் கலாச்சாரத்தில் வாழும் நமக்கு பெரும்பாலான ஆன்மீக விஷயங்களும் புராண கதைகளுக்குமான தெளிவு கிடைப்பதில்லை.

செவ்வாய், 6 ஜனவரி, 2015

வேட்டை – ஒரு பார்வை.

வேட்டை – ஒரு பார்வை.

சுப்ரபாரதி மணியனின் வேட்டை சாய நகரத்தில் மனிதர்கள் வேட்டையாடப்படுவதைக் குறிக்கிறது. பெரும்பாலும் இவரது கதைகளில் திருப்பூர் சம்பந்தப்பட்ட பின்னலாடைத் தொழிலும் தொழிலாளிகளும் அவர்களின் வாழ்வியல் அவலமும் சுட்டப்படும்.

திங்கள், 5 ஜனவரி, 2015

தெய்வீகப் “பிசாசு ” ( PISASU )

தன்னைக் கெடுத்தவனை மணந்து வாழ்வது புதிய பாதை. தன்னைக் கொன்றவனுடன் வாழ்வது பிசாசு. மிஷ்கினின் இந்தப் படத்தைப் பார்த்ததும் பல்வேறுபட்ட உணர்வுகள் ஏற்பட்டன.சீனுக்கு சீன் இன்சுக்கு இன்ச் இது ஒரு நல்ல பிசாசுப் படம்.

நல்வழியில் நடந்தாலும் அடுத்தவருக்கு எந்தத் துன்பமும் தரக்கூடாது என்று எவ்வளவு எச்சரிக்கையாக இருந்தாலும் ,நமக்குத் தெரியாமலே நாம் மாபெரும் குற்றமும் செய்திருக்கக்கூடும் என்ற அச்சத்தைக் கிளப்பியது படம். ஒரு சின்ன காட்சிப் பிழைதான். அதற்கு மூலகாரணம் ஹீரோதான். ஆனால் அந்த இடத்திலும் அவர் காரில் ஒலிக்கும் செல்ஃபோனைக் காரை விட்டிறங்கித்தான் பேசுகிறார். அதற்குள்ளே ஒரு சின்ன ஸ்லிப். அதனால் ஒற்றைக் கால் ஸ்லிப்பருடன் இறக்கிறார் நாயகி ப்ரயாகா.நாயகன் நாகா காப்பாற்ற ஓடி வருகிறார். ஆட்டோவில் ஏற்றிப் பறக்கிறார்கள். வழியில் சிவப்பு பச்சை தகறாறு. கடைசியில் சிவப்புத்தான் மூலகாரணம் என்று தெரிய ஹீரோ தற்கொலைக்கு முயல தெய்வீகப் பிசாசு முடிவை நிர்ணயிக்கிறது.

அன்னப்பட்சி செய்த ஜாலம் - அன்னப்பட்சி பற்றி சகோ பாலகணேஷ்.

அன்னப்பட்சி செய்த ஜாலம்..!!!

Posted by பால கணேஷ் Monday, August 04, 2014
ன்னால் சுலபமாக எழுத வராத ஒன்று என்பதாலேயே கவிதைகளையும் கவிஞர்களையும் பிடிக்குமெனக்கு. நேரடியாகப் பொருளுணர்த்தும் கவிதைகள், மறைபொருளாய் நம்மை உணரச் செய்யும் கவிதைகள், எதுவும் புரிபடாது – அந்தக் காரணத்தாலேயே – சிறந்த கவிதைகளோ என எண்ண வைப்பவை, உரைநடையை அடுத்தடுத்த வரிகளாக உடைத்துப் போடுகிற கவிதைகள் (என்று சொல்லப்படுபவை) என்று எல்லா எல்லா ரகங்களையும் படித்திருக்கிற படியால் நல்ல கவிதைகளின் தொகுப்பு கையில் கிடைக்கையில், படித்து முடிக்கையில் மனம் நிறைந்து விடும். அத்தகையதொரு நிறைவை சமீபத்தில் எனக்கு வழங்கியது திருமதி தேனம்மை லெக்ஷ்மணன் அவர்களின் ‘அன்ன பட்சி’ கவிதை நூல்.
நானறிந்த வரையில் தேனக்காவே ஒரு அன்னப்பட்சிதான். சந்திக்கிற எல்லா மனிதர்களிடமும் ஏதாவது நல்ல விஷயத்தைக் கண்டெடுத்து அதை மட்டுமே போற்றுகிற அன்னப்பட்சி அவர். நெற்றிப் பொட்டில்லாத பெண் மாதிரி ஒற்று இல்லாமல் அன்ன பட்சி என்று தலைப்பு வைத்திருந்தது எனக்கு கொஞ்சம் உறுத்தல்தான். அதுசரி…. இப்பல்லாம் எந்தப் பொண்ணுய்யா நெற்றிப் பொட்டு வைக்குது? புருவப் பொட்டும். மூக்குப் பொட்டும் தானே வைக்குது என்கிறீர்களா…? அதுவும் சரிதேங். பட்… இங்க பேச வந்த விஷயம் கவிதைகளைப் பற்றி.


இந்தத் தொகுப்பில் இருக்கும் எல்லாக் கவிதைகளுமே எனக்குப் பிடித்திருந்தன. அவற்றில் ஒன்றிரண்டைப் பற்றி மட்டும் இங்கு குறிப்பிட விரும்புகிறேன். (பின்ன... முழுசாக் குறிப்பிட்டா தேனக்காவோ, இல்லை அகநாழிகை வாசுதேவனோ என்னைக் ‘கவனிச்சுட’ மாட்டாங்களா என்ன...?) குழந்தைகள் பொம்மை வைத்து விளையாடுவதை ரசிக்காதவர் இருக்க முடியாது. கவிதை படைத்தால் குழந்தையின் பார்வையில் படைப்பது வழக்கம். இவர் பொம்மையின் பார்வையில் கவிதை தந்திருக்கிறார் இப்படி : கடைக்கு வந்தாய் | எல்லா பொம்மைகளிலும் | சொல்பேச்சு கேட்பது போலிருந்த | என்னைத்தான் விரும்பினாய் என்று துவங்கி கனவிலாவது விட்டு | விடுதலையாகும் எண்ணத்தோடு | குப்புறப்படுத்து தூங்கிக் கொண்டிருக்கிறாய் | தூங்கப் படைக்கப்படாத நான் | உன் விழிப்புக்காய்க் காத்திருக்கிறேன் | நீ எழுந்தவுடன் விளையாட என்று முடிக்கையில் நம் ரசனைப் புருவங்கள் உயரத்தான் செய்கின்றன.

சனி, 3 ஜனவரி, 2015

சாட்டர்டே போஸ்ட். கலைமாமணி Rtn.திரு. ஆவுடையப்பண்ணனின் சிந்தனைகள்.

முகநூல் நண்பரான ஆவுடையப்ப அண்ணன் கலைமாமணி விருது பெற்றவர்கள். மாபெரும் ஓவியர். தெய்வீகத் திரு உருவங்களைத் தத்ரூபமாக வரைவதில் வல்லவர்கள். தனது குடும்பத்தாரோடு இணைந்து 108 பிள்ளையார்பட்டிப் பிள்ளையார்களை க்ளாஸ் பெயிண்டிங்காக ஒரு மாதத்தில் வரைந்து முடித்தவர்கள். இவர்களின் ஓவியப் பணி பற்றி ஒரு புத்தகமே போடலாம்.

இவர்கள் கண்டனூரைச் சேர்ந்தவர்கள். இவர்கள் தந்தை திரு ஆர் எம் எஸ் வி இராமனாதன் செட்டியார் அவர்களும் ஆன்மீகத் தொண்டாக கண்டனூர் மகாதேவா என் ஏ ஆர் கே அவர்கள் குடும்பத்துடன் இணைந்து பட்டினத்தார் திருவிழா நடக்க உதவியாக இருந்தவர்கள். அரசியல் தொண்டும் சமூகத் தொண்டும் ( கை இராட்டை மூலம் நூல் நூற்கும் பயிற்சி அளித்தவர் ) செய்தவர், இவரது தாய் நாச்சம்மை ஆச்சியும் மாதர் சங்கம் அமைத்து பள்ளத்தூர் அ. மு. மு . முருகப்பசெட்டியார் மகள் கண்டனூர் அன்னபூரணி ஆச்சியுடன் இணைந்து பெண்களுக்கான முதியோர் கல்வி திட்டத்தின் மூலம் பல பெண்கள் கல்வியறிவு பெற வழி செய்தவர்.    மனைவி திருமதி உமையாள் ஆச்சியும் இவர்கள் கலைக்குக் கைகொடுக்கும் கலையரசி. ஒரே மகன் இராமநாதன் தந்தைக்குப் பக்கபலம். இவருக்கும் ஒரே பையன். மகனுக்கும் தந்தை பெயரான ஆவுடையப்பன் என்ற பேரையே இட்டிருக்கின்றார்கள்.

ஆவுடையப்பண்ணன் ”சிலப்பதிகாரக் கதை”யை 30  தஞ்சாவூர் பெயிண்டிங்குகளாக வரைந்தவர்கள். இவர்கள் வரைந்த ”ரிஷபாரூடர் ”கண்டனூர் மீனாக்ஷி சுந்தரேசுவரர் கோயிலிலும், ”தசாவதாரம்” போபால் நேஷனல் மியூசியத்திலும், ”மீனாக்ஷி திருக்கல்யாணம்” சென்னை ஸ்பிக்கிலும், ”பிள்ளையார்பட்டிப் பிள்ளையார் ”காஞ்சி மடத்திலும், கோலாலம்பூர் தண்டாயுதபாணி மடத்திலும், திருப்பளாத்துறை தருமபுரம் ஆதினத்திலும், நியூதில்லி எஸ். கே பிர்லா ஹவுசிலும்  ”விதோபா கிருஷ்ணா” அமெரிக்காவிலும், ”முருகக் கடவுள் ” சிங்கப்பூர் தண்டாயுதபாணி கோயிலிலும், ”நடராஜர் ” செட்டிநாட்டு அரண்மனையிலும், ”இராமர் பட்டாபிஷேகம் “ காரைக்குடி சுபலெக்ஷ்மி பேலஸிலும், ”திருப்பதி வெங்கடாசலபதி  நியூதில்லி கோயாங்கோ ஹவுஸிலும், “ கிருஷ்ணா & ருக்மணி “ அமெரிக்காவிலும் ( தெய்வானை இல்லம் ) வைக்கப்பட்டுள்ள பெருமைக்கு உரியன.

வெள்ளி, 2 ஜனவரி, 2015

வே பத்மாவதியின் கைத்தலம் பற்றி ஒரு பார்வை:-



வே பத்மாவதியின் கைத்தலம் பற்றி ஒரு பார்வை:-

இளம் பாடலாசிரியர் வே. பத்மாவதியின் முதல் கவிதைத் தொகுதி கைத்தலம் பற்றி. அவர் என்னுடைய சாதனை அரசிகள் புத்தகத்தில் இடம்பெற்றவர். மென்பொறியியல் வல்லுநர். ஆனாலும் சிங்கை மணற்கேணி நடத்திய போட்டியில் முதல் பரிசு வென்று சிங்கை சென்று வந்தவர். 

பல தொலைக்காட்சிகளிலும் கவிதை வாசிப்பதும் புத்தக விமர்சனமும் செய்து வருகிறார். சிறந்த பேச்சாளர். பல்வேறு பத்ரிக்கைகளில் கதைகள் கவிதைகள் எழுதி வருகிறார். லேடீஸ் ஸ்பெஷலில் நாட்டுப்புறப் பாடல்களை கிராமங்களுக்கே சென்று தொகுத்து வழங்கியது அருமை.

வியாழன், 1 ஜனவரி, 2015

அன்ன பட்சி பற்றி ஷான் கருப்பசாமி.

# அன்ன பட்சி - தேனம்மை லெக்ஷ்மணன் #

தேனம்மை லெக்ஷ்மணன் அவர்களின் அன்ன பட்சி தொகுப்பு சென்ற ஆண்டு என்னுடைய புத்தகத்துடன் அகநாழிகை வெளியீடாக வந்தது. அதைப் படித்துவிட்டு என் கருத்தை சொல்வதாக நான் சொல்லி சில மாதங்கள் கடந்துவிட்டன. நானும் கவிதைகள் என்று ஏதோ எழுதுவதால் நான் சக கவிஞர்களை விமர்சனம் செய்வதில்லை. எழுத்தாளனை எழுத்தாளனே விமர்சனம் செய்வது நேர்மையான, சார்பற்ற செயலாக இருக்கவும் முடியாது. நான் இப்படியாக எழுதுபவை எல்லாம் நூல் அறிமுகம் வகையைச் சேர்ந்தவையே.

Related Posts Plugin for WordPress, Blogger...